گجرات، بھائی نے فائرنگ کر کے بہن اور اس کے سابق شوہر کو قتل کر دیا

گجرات،سرائے عالمگیر (نمائندہ جنگ،نا مہ نگار)غیرت کے نام پر خا تون سمیت دو افراد کو فا ئرنگ کر کے موت کے گھاٹ اتار دیا گیا ۔ڈنگہ گاؤں بھاؤ گھسیٹ پورکے رہائشی تبسم نے اپنی ہمشیرہ ثنا اسکے سا بق شوہر ندیم کو فائرنگ کر کے موت کی نیند سلا دیا ۔ پولیس نے مقتول کے بھائی وسیم اختر کی رپورٹ پر ملزم کے خلاف دوہرے قتل کا مقد مہ درج کر کےاس کی گرفتاری کے لئے چھاپے مارنے شروع کر دئیے۔پولیس کے مطابق مقتول ندیم اختر کی شادی ثناء سے ہوئی بعد میں دونوں کے درمیان طلاق ہو گئی،ان کے دو بیٹے ہیں،ایک بیٹا والد اور دوسراماں کے پاس تھا،ندیم اپنے دوسرے بیٹے کو لینے آیا تو ملزم نے دونوں کو اکٹھا دیکھ کر فائرنگ کردی۔