جامعہ کراچی کے امتحانات کے نتائج کا اعلان

کراچی(اسٹاف رپورٹر) ناظم امتحانات جامعہ کراچی ڈاکٹر سید ظفر حسین کے مطابق ایم بی بی ایس اور بی ڈی ایس فائنل پروفیشنل ضمنی امتحانات 2021 ء اورایم اے پرائیوٹ سال اول بین الاقوامی تعلقات کے نتائج کا اعلان کردیاگیاہے۔ نتائج کے مطابق ایم بی بی ایس فائنل پروفیشنل کے امتحانات میں 42طلبہ شریک ہوئے،33طلبہ کو کامیاب قراردیاگیا جبکہ 09طلبہ ناکام قرارپائے۔ کامیابی کا تناسب 78.57فیصدرہا۔ بی ڈی ایس فائنل پروفیشنل کے امتحانات میں 25طلبہ شریک ہوئے، 20طلبہ کو کامیاب قراردیاگیا جبکہ 05 طلبہ ناکام قرارپائے۔کامیابی کا تناسب 80.00 فیصدرہا۔ایم اے پرائیوٹ سال اول بین الاقوامی تعلقات سالانہ امتحانات برائے 2019-2020ء کےنتائج کے مطابق امتحانات میں1594طلبہ شریک ہوئے 943طلبہ کو کامیاب قراردیاگیا جبکہ 654 طلبہ ناکام قرارپائے۔کامیابی کا تناسب 59.05 فیصدرہا۔