رانا ثنا اللہ چھپ کر نکلتے ہو ، باہرنکلو ہم تمھیں بتائیں گے، یاسمین راشد

اسلام آباد (نیوز ڈیسک) تحریک انصاف کی رہنما ڈاکٹر یاسمین راشد نے وزیرداخلہ کو مخاطب کرتے ہوئے کہا راناثنااللہ اپنے گارڈ کیساتھ چھپ کر پھرتے ہو باہرنکلو ہم بتائینگے،ناجائز حکومت کو کس چیز کا خوف ہے کیوں ایف آئی آر درج کرنے نہیں دیتے۔ تفصیلات کے مطابق سیشن عدالت میں لانگ مارچ کےدوران پی ٹی آئی کے کارکنان پر تشدد کیس میں تحریک انصاف کی رہنما ڈاکٹریاسمین راشد نے عدالت سے بات کرنے کی اجازت مانگی۔ یاسمین راشد نے بتایا کہ ہم 25 مئی کولانگ مارچ کیلئے نکلے، میں نے اپنے گاڑی آگےکی توہم پرشیلنگ شروع کی گئی، میرے ڈرائیور کو نیچے اتارا اور گھسیٹ کرلے گئے۔ پی ٹی آئی کی رہنما کا کہنا تھا کہ پولیس والےنےمیراہاتھ پکڑکرمجھےنیچےاتارا، وہاں کوئی لیڈیزپولیس نہیں تھی، میں اپنی گاڑی خود ڈرائیو کرکے واپس چلی گئی، 72سال عمرہوگئی ہےآج تک ایسی پولیس گردی نہیں دیکھی۔