لوڈشیڈنگ کی وجہ ن لیگ کے موجودہ اور پچھلے ادوارکے غلط فیصلے ہیں‘ حماد اظہر

اسلام آباد(جنگ نیوز‘ایجنسیاں)تحریک انصاف کے رہنماءحماد اظہر کا کہنا ہے کہ آج لوڈ شیڈنگ اور مہنگی بجلی کی وجہ نون لیگ کے موجودہ اور پچھلے ادوارکے غلط فیصلے ہیں ۔پیر کو اپنے بیان میں ان کا کہناتھاکہ ‏اس وقت پاکستان کی مہنگی ترین بجلی نون لیگ کے لگائے گئے امپورٹڈ ایندھن کے پلانٹس سے بن رہی ہے۔ کئی پلانٹس کو حکومت خود کم استعدادپر چلا رہی ہے تا کہ نقصان کم ہو۔مسلم لیگ ( ن ) کے دور میں مہنگی بجلی کے منصوبے عوام کے لئے وبال جان بن گئے ۔ امپورٹڈ سرکار دعوئوں کے باوجود تاحال لوڈشیڈنگ کا خاتمہ نہ کر سکی ۔ ایک اور بیان میں حماداظہر نے کہاکہ کرنسی مارکیٹ اور اسٹاک مارکیٹ نے بھی آج بوگس اور غیر سنجیدہ بجٹ پر عدم اعتماد کا اظہار کر دیا ہے۔اسٹاک مارکیٹ 650 پوائنٹ گرچکی ہے اور ڈالر انٹر بینک میں 204 روپے کا ہو گیا ہے۔