سندھ اسمبلی ، عامر لیاقت کےلئے دعائے مغفرت

کراچی ( اسٹاف رپورٹر) سندھ اسمبلی ، ایوان کی کارروائی کے آغاز پر اینکر پرسن اور رکن قومی اسمبلی عامر لیاقت، سندھ کے سابق وزیر قانون ڈاکٹر سکندر میندھرو کے لئے فاتحہ خوانی اور دعائے مغفرت کی گئی، سندھ کے صوبائی وزیر گیان چند ایسرانی کی جانب سے مودی سرکار کی مذمت ، تفصیلات کے مطابق پیر کو سندھ اسمبلی کا اجلاس ڈپٹی اسپیکرریحانہ لغاری کی زیر صدارت شروع ہوا۔ ایوان کی کارروائی کے آغاز میں ممتاز اسکالر اور رکن قومی اسمبلی عامر لیاقت، سندھ کے سابق وزیر قانون ڈاکٹر سکندر میندھرو کے لئے فاتحہ خوانی اور دعائے مغفرت کی گئی۔ کارروائی کے دوران پیپلز پارٹی کی خاتون رکن شمیم ممتاز نے کہا کہ ہمبھارت میں بی جے پی حکومت کی شتعال انگیز حرکتوں اورگستاخانہ اقدام کی سخت الفاظ میں مذمت کرتے ہیں۔ان کا کہنا تھا کہ مودی سرکار بھارت میں اقلیتوں پر ظلم کررہی ہے اس کے برعکس پاکستان میں تمام مذہبی اکائیاں آزادی کےساتھ رہ رہی ہیں۔ رکن سندھ اسمبلی ایم کیوایم منگلا شر نے کہا کہ بی جے پی کی مذہبی انتہا پسندی قابل مذمت ہے ۔ پی ٹی آئی کی خاتون رکن ڈاکٹر سیما ضیا نے کہا کہ ہمارے پیارے نبی صلی اللہ علیہ وآلہ وسلم ایسی ہستی ہیںجن پر کوئی بھی قابل اعتراض بات ہم برداشت نہیں کرسکتے۔