والدین سے معافی مانگتی ہوں، دل بڑا کر کے ہمیں قبول کرلیں، دعا زہرہ

14 جون ، 2022

لاہور (جنگ نیوز) کراچی سے لاہور جا کر پسند کی شادی کرنے والی دعا زہرہ نے والدہ کے ساتھ سندھ ہائیکورٹ میں ہونے والی ملاقات کی روداد سنا دی۔شوہر ظہیر احمدکیساتھ پہلے انٹرویو میں دعا زہرہ کا کہنا ہے کہ سندھ ہائیکورٹ میں پیشی کے موقع پر والدہ سے یہ نہیں کہا کہ میں ان کے ساتھ جانا چاہتی ہوں، والدہ نے جج کو جھوٹ بولا ہے۔والدین سے معافی مانگتی ہوں، دل بڑا کر کے ہمیں قبول کرلیں،والدین میری تایا کے بیٹے زین العابدین سے شادی کروانا چاہتے تھے کیوں کہ میرے تایا کے پاس ڈی ایچ اے کا ایک پلاٹ تھا جس پر والد اور تایا میں مسئلے چل رہے تھے اور والد چاہتے تھے کہ میری شادی کے ذریعے تایا کا پلاٹ ان کے نام ہوجائے لیکن میں نے والد کو انکار کیا تو والدین نے مجھے مارا پیٹا اور دھمکی دی کہ میں تمہیں قتل کردوں گا ، میرے ماموں نے بھی مجھے دھمکی دی کہ ہم دعا کی شادی اپنی مرضی سے کریں گے ۔دعا کا کہنا تھا کہ میں اب تک والدین کی عزت کے لیے خاموش تھی۔