کوئی ایک ڈالر دینے کو تیار نہیں، چین سے امداد فوج کی وجہ سے ملی، شیخ رشید

اسلام آباد(خصوصی رپورٹ) سابق وزیر داخلہ شیخ رشید نے کہا ہے کہ حکومت چین سے امداد ملنے کا شور ڈال رہی ہے لیکن چین سے امداد پاک فوج کی وجہ سے ملی ورنہ حکومت کو ایک ڈالر دینے کو بھی کوئی تیار نہیںن اور ش کے حالات جلد سامنے آئیں گے، اکثریت حکومت سے جان چھڑانا چاہتی ہے، موجودہ حکومت کو بیساکھیوں کے سہارے پر ہے جو جلد گرنے والی ہے۔اسلام آباد کچہری میں میڈیا سے گفتگو کرتے ہوئے شیخ رشید نے کہا کہ ن اور ش کے حالات جلد سامنے آئیں گے، لاہور اور فیصل آباد میں ضمنی انتخابات میں فیصلہ عوام نے کرنا ہے۔ سابق وزیر داخلہ نے کہا کہ موجودہ حکومت دھڑام سے گر جائے گی کیونکہ حکومت سے اکثریت جان چھڑانا چاہتی ہے، 25 تھانوں میں درخواست دی ہے،2میں ضمانت ہوگئی ہے،واضح رہے کہ پی ٹی آئی لانگ مارچ کے دوران تھوڑ پھوڑ کے کیس میں شیخ رشید اسلام آباد ڈسٹرکٹ سیشن عدالت پہنچے تھے۔