الخدمت فاؤنڈیشن کے سماجی خدمات پروگرام کے بورڈ کا اجلاس

لاہور(پ ر)الخدمت فاؤنڈیشن کے سماجی خدمات پروگرام کے بورڈ کا اجلاس الخدمت کمپلیکس لاہور میں منعقد ہوا۔اجلاس میں الخدمت قربانی فی سبیل اللہ پراجیکٹ کی منصوبہ بندی پیش کی گئی۔ عامر محمود چیمہ نے اس حوالے سے تفصیلات پیش کرتے ہوئے بتایاکہ اس سال پنجاب، سندھ، بلوچستان، خیبر پختونخوا، آزاد کشمیر، فاٹا، گلگت بلتستان اور کراچی میں ملک گیرقربانی فی سبیل اللہ کا اہتمام کیا جائے گا۔قربانی کی بکنگ،خریداری، زبیحہ کی تاریخ و مقام اور ڈونر رپورٹنگ کا تمام ریکارڈ جدید سافٹ ویئر کے ذریعے مرتب کیا جائے گا۔اندرون و بیرون ملک سے آن لائن قربانی بکنگ کے لئے بھرپورپرنٹ، الیکٹرانک اور سوشل میڈیا مہم کا آغاز کردیا گیا ہے۔سینئر نائب صدر الخدمت فاؤنڈیشن پاکستان سید احسان اللہ وقاص نے اس موقع پر کہا کہ یہ دنیا بھر میں رہنے والے مخیر حضرات کا الخدمت پر اعتماد اور ہمارے رضاکاروں کی شب و روز کاوشیں ہیں۔اجلاس میں جنرل مینجرپرگرامز حماد بٹ،سینئرپروگرام مینجرفرحان خالداوردیگرذمہ داران بھی موجودتھے۔