کیریئر کا آغازا سکول میں ٹیچنگ سے کیا،کاروبار کا شوق ہے، کومل عزیز

لاہور(مانیٹرنگ ڈیسک )اداکارہ کومل عزیز نے کہا ہے کہ کیریئر کے آغاز میں انہیں دیگر مشوروں کے ساتھ ٹھوڑی کی سرجری کرانے کا مشورہ بھی دیا گیا تھا تاہم انہوں نے اس مشورے پر عمل نہیں کیا، کیریئر کا آغازا سکول میں ٹیچنگ سے کیا پھر قسمت شوبز میں لے آگئی تاہم میرا شوق کاروبار کا ہے۔انہوں نے بتایا کہ منصوبہ بندی کے ساتھ اداکاری کی اور اپنا کپڑوں کا برانڈ متعارف کرایا اور جلد ہی ان کا اپنا اسٹور کھولنے کا بھی ارادہ ہے۔ان کے مطابق کاروبار کرنا ان کی اولین ترجیح دی مگر ساتھ ہی اداکاری کا بھی شوق تھا اور اب ان کے دونوں منصوبے پورے ہوگئے۔کومل عزیز نے بتایا کہ انہیں ٹھوڑی (ڈمپل چن)کی سرجری کرانے کا مشورہ بھی دیا گیا تھا جو انہوں نے نہیں مانا۔ایک سوال کے جواب میں انہوں نے بتایا کہ اداکاری میں اچھا کیریئر بنانے اور کاروبار شروع کرنے کاارادہ ہے۔