چیئرمین نیب تعیناتی ،اپوزیشن لیڈر وزیراعظم مابین ڈیڈ لاک برقرار تمام جماعتوں کےلیے قابل قبول ناموں کا پینل بھجوایا جائے،اپوزیشن لیڈر راجہ ریاض

اسلام آباد( نمائندہ خصوصی )چیئرمین نیب کی تعیناتی کا معاملہ مزید گھمبیر ہوگیا۔اپوزیشن لیڈر راجہ ریاض اور وزیراعظم شہباز شریف کے درمیان بھی ڈیڈ لاک ٹوٹ نہ سکا، راجہ ریاض نے تجویز کیا ہے کہ تمام جماعتوں کےلیے قابل قبول ناموں کا پینل بھجوایا جائے، اپوزیشن کی دیگر جماعتوں سے بھی مشاورت کرنا چاہتا ہوں، جسٹس (ر) مقبول باقر کے نام پر بھی ابھی تک اتفاق نہ ہوسکا ،مقبول باقر نے بھی عہدے کےلیے رضا مندی ظاہر نہیں کی، سابق جسٹس مقبول باقر کا نام آصف زرداری نے تجویز کر رکھا ہے، حکومت کی طرف سے اخلاق تارڑ،بشیرمیمن اور آفتاب سلطان کے نام سامنے آئے مگر کسی ایک پر بھی اتفاق نہ ہوسکا، چیئرمین نیب کا عہدہ دو جون سے خالی ہے ۔