مہنگائی کا ذمہ دار عمران خان، ہم نے چیلنج قبول کرکے ملک بچالیا ،فضل الرحمٰن

19 جون ، 2022

لاہور (مانیٹرنگ سیل )جے یو آئی (ایف) کے سربراہ مولانا فضل الرحمٰن نے کہا ہے کہ مہنگائی کا ذمہ دار عمران خان ہے۔ ملک میں مہنگائی عمرانی معاہدے کی وجہ سے ہے۔ سابق حکومت نے سخت شرائط پر آئی ایم ایف سے معاہدہ کیا اور سٹیٹ بینک کو آئی ایم ایف کے حوالے کردیا۔ سکھر میں ایک کانفرنس سے خطاب کرتے ہوئے ان کا کہنا تھا کہ ہم نے چیلنج قبول کیا اور ملک کو بچالیا ہے۔ جاتے جاتے عمران خان پٹرولیم مصنوعات کی قیمتیں کم کرگئے۔ عمران خان کو حکومت سے نکالا، اب کہتا ہے کہ کمیشن بنائو۔ کمیشن بنایا جائے لیکن صرف یہ جاننے کیلئے کہ عمران کو حکومت سے کیوں نکالا۔ فارن فنڈنگ کیس کا فیصلہ ابھی تک نہیں سنایا گیا۔