پنجاب حکومت کا ایوان اقبال کے بجٹ اجلاس میں شریک نہ ہونے والے اسمبلی اسٹاف کے خلاف کارروائی کا فیصلہ

لاہور(خصوصی نمائندہ،سپیشل رپورٹر)پنجاب حکومت نےایوان اقبال کے بجٹ اجلاس میں شریک نہ ہونے والے اسمبلی اسٹاف کے خلاف کارروائی کا فیصلہ کیا ہے، پنجاب اسمبلی کے قائمقام سیکرٹری عامرحبیب نے پنجاب اسمبلی کے 4 شعبہ جات کو فوری طورپر ایوان اقبال رپورٹ کرنے کے احکامات جاری ک ردئیے ۔قائمقام سیکرٹری عامر حبیب کی جانب سے جاری کردہ آفس آرڈرکے مطابق پنجاب اسمبلی کے شعبہ قانون سازی رپورٹنگ ، اسٹیٹ اور سکیورٹی کے شعبے کے سربراہان کو فوری رپورٹ کرنے کا حکم دیا گیا ہے ۔آفس آرڈر کے متن کے مطابق متعلقہ شعبیایوان اقبال میں ہونے والے اجلاس کے دوران ڈپٹی سپیکر کے روبرو پیش ہوں،اسمبلی کی کاروائی کو رپورٹ کر کے اس کا قانونی ڈاکومنٹس تیار کر کے قائمقام سیکرٹری اور سیکرٹری قانون کے روبرو پیش کریں۔آفس آرڈر میں کہا گیا ہے کہ ایوان اقبال کے بجٹ اجلاس کے دوران رپورٹ نہ کرنے والوں کے خلاف سخت انضباطی کارروائی عمل میں لائی جائے گی۔