بلاول بھٹو کی حکومتی ذمہ داریوں کے پیش نظر آصف زرداری نے پارٹی کی ذمہ داریاں سنبھال لیں

اسلام آباد (نامہ نگار خصوصی) پاکستان پیپلز پارٹی کے چیئرمین بلاول بھٹو کی بطور وزیر خارجہ حکومتی ذمہ داریوں اور بالخصوص غیر ممالک میں مصروفیات کے پیش نظر سابق صدر آصف علی زرداری نے جو پارٹی کے شریک چیئرمین بھی ہیں‘ نے پارٹی کی کل وقتی ذمہ داریاں سنبھال لی ہیں اور ان دنوں وہ ملک میں ہونے والے عام انتخابات کے تناظر میں سیاسی ملاقاتوں، رابطوں اور جوڑ توڑ کی سرگرمیوں میں پوری طرح فعال ہیں۔ اس ضمن میں ان دنوں بالخصوص پنجاب میں پارٹی کو تنظیمی سطح پر منظم اور فعال کرنے کیلئے متحرک اور تنظیمی عہدیداروں اور کارکنوں سے بھی مسلسل رابطوں میں مصروف ہیں۔