3خودکشیاں،جوہر ٹاؤن میں 23سالہ لڑکی نے خودکشی کرلی

لاہور،قصور،فیصل آباد (کرائم رپورٹر سے،نمائندگان جنگ)جوہر ٹاؤن کے علاقے میں 23 سالہ لڑکی نے خودکشی کرلی،اطلاع ملنے پر پولیس موقع پر پہنچ گئی، پولیس نے قانونی کارروائی کے بعد لاش پوسٹمارٹم کے لیے مردہ خانے منتقل کر دی، پولیس کے مطابق مقامی شہری کے کواٹروں میں خودکشی کی گئی،خودکشی کرنے والی شکیلہ بی بی منڈی احمد آباد کی رہائشی تھی،شکیلہ نے گھر میں پنکھے کے ساتھ لٹک کر خودکشی کی،لاش کو مردہ خانے منتقل کرکے تفتیش شروع کردی گئی ہےقصور کے نواحی علاقے بدر کالونی میں گھریلو ناچاقی پر نوجوان نے خود کشی کر لی۔ شاہد گھر میں کسی بات پر ناراض تھا ،جس پراس نے دلبرداشتہ ہو کر خودکو فائر مار کر زندگی کا خاتمہ کر لیا۔دوسری جانب چک جھمرہ کے چک نمبر187ر ب میں 35سالہ بے اولاد خاتون نے خود کشی کر لی۔ پولیس ذرائع کے مطابق حسینہ بی بی کی شادی 11 سال قبل طالب حسین کے ساتھ ہوئی مگر وہ اولاد کی نعمت سے محروم رہی جس کی وجہ سے گھریلو جھگڑوں سے دلبرداشتہ ہو کر اس نے مبینہ طور پر گلے میں پھندہ ڈالا اور پنکھے کے ساتھ جھول کر زندگی کا خاتمہ کر لیا۔