عالمی منڈی میں خام تیل کی قیمتوں میں 6 فیصد سے زائد کی بڑی کمی ریکارڈ

لندن(آئی این پی) عالمی منڈی میں خام تیل کی قیمتوں میں 6 فیصد سے زائد کی بڑی کمی ریکارڈ کی گئی ہے۔تفصیلات کے مطابق گزشتہ روز عالمی مارکیٹ میں ٹریڈنگ کے دوران خام تیل کی قیمتوں میں کمی کا رجحان دیکھا گیا۔ ماہرین نے کہا ہے کہ قیمتوں میں کمی امریکا و دیگر مغربی ممالک میں شرح سود میں اضافے سے معاشی سرگرمیاں محدود ہونے کے خطرے کے پیش نظر ہوئی کیوں کہ سرمایہ کار اس اقدام سے پریشان ہیں۔امریکا میں خام تیل 110ڈالر فی بیرل سے بھی سستا ہوگیا۔ امریکی خام تیل کی قیمت 9ڈالر سے زائد کمی سے 108ڈالر 5سینٹ فی بیرل ہوگئی ہے ۔ برطانیہ میں برینٹ نارتھ خام تیل تقریباً 8ڈالر کمی سے 112ڈالر فی بیرل کا ہوگیا۔