گرے لسٹ سے نکلنے کا سارا کریڈٹ عمران خان، فوج کو جاتا ہے،شیخ رشید

راولپنڈی (آئی این پی )سابق وزیر داخلہ شیخ رشید احمد نے کہا ہے کہ پاکستان فیٹف کی گرے لسٹ سے نکل جائے گا جس کا سارا کریڈٹ عمران خان کی حکومت،پاک فوج اور ذیلی اداروں کو جاتا ہے۔سماجی رابطے کی ویب سائٹ پر اپنے ایک پیغام میں شیخ رشید نے کہا ہے کہ موجودہ اسمبلیوں کی نہ کوئی اہمیت ہے اور نہ ہی کوئی پذیرائی ہے، اکثریت ضمانتوں پہ ہے جبکہ 50 وزیر بھی اسمبلی نہیں جاتے ہیں۔پوری امید ہے اکتوبر سے پہلے پاکستان گرے لسٹ سے نکل جائے گا،یہ حکومت اور اسکے لوگ ہندوستان سے تجارت کے لیے مرے جارہے ہیں، امپورٹڈ حکومت مفاد پرستوں کا دوسرا نام ہے،یہ 1 درجن پارٹیاں اپنی سیاسی قبر خود کھود رہی ہیں۔عوام ان کے چہرے دیکھ کر ٹی وی چینل بدل دیتے ہیں۔اتوار کی شام 9بجے عمران خان کی کال پر لال حویلی ان کا خطاب سنیں گے