زرعی شعبے میں ریسرچ کے بغیر پیداوار میں اضافہ محض خواب ہے، حمزہ شہباز

لاہور (آئی این پی ) وزیر اعلیٰ پنجاب حمزہ شہباز نے کہا ہے کہ زرعی شعبے میں ریسرچ کے بغیر پیداوار میں اضافہ محض خواب ہے، مارکیٹ کمیٹیوں میں بہترین ہیومن ریسورس کو انڈکٹ کیا جائے۔وزیر اعلی کی زیر صدارت اجلاس میں کاشت کار کو سہولت اور عوام کو اشیا ضروریہ مقرر کردہ نرخوں پر فراہمی کے لئے بڑے فیصلے کیے گئے ہیں۔ اس موقع پرانہوں نے کہا کہ اس ضمن میں بینک آف پنجاب سے بھی مشاورت کی جائے، کاشتکاروں کا استحصال روکنے کے لئے پنجاب بھر کی مارکیٹ کمیٹیوں کی تشکیل نوکا فیصلہ بھی کیا جائے۔ انہوں نے کہا کہ مارکیٹ کمیٹیوں میں بہترین ہیومن ریسورس کو انڈکٹ کیا جائے، زرعی شعبے میں ریسرچ کے بغیر پیداوار میں اضافہ محض خواب ہے۔انہوں نے کہا کہ آنے والے دنوں میں ٹماٹر اور پیاز کی قلت پر قابو پانے کیلئے امپورٹ کے لئے بر وقت اقدامات کئے جائیں۔