اسلام آ باد (آئی این پی ) پی ٹی آئی رہنما بابر اعوان نے کہا ہے کہ اسلام آباد میں پی ٹی آئی رہنماوں سمیت کارکنان کو62ایف آئی آرز میں نامزد کیا گیا ہے۔ اسلام آباد سیشن کورٹ میں میڈیا سے گفتگو کرتے ہوئے انہوں نے کہا کہ حکومتی نمائندے نے کہا کہ سازش ہوئی پھر مہربانی ہوئی پھر سازش آئی، این آر او جو یہ چاہتے ہیں ہم کامیاب نہیں ہونے دیں گے۔ انہوإں نے کہا کہ رات کے احتجاج نے ان کو خوف میں مبتلا کر دیا ہے، اسلام آباد سمیت دیگر کارکنان کو خراج تحسین پیش کرتے ہیں۔ انہوں نے مزید کہا کہ کارکنان اور وکلا کھڑے رہے مقابلہ کیا، اس قوم کو کوئی بھی گمراہ نہیں کر سکتا۔