امن جرگہ افغانستان میں ٹی ٹی پی اور طالبان سے بات کرے، فاٹا قومی جرگہ

اسلام آباد( جنگ نیوز) فاٹا قومی جرگے کے عمائدین نے کہا ہے کہ ایک جرگہ افغانستان جائے اور ٹی ٹی پی اور افغان طالبان سے بات کرے۔ سب کی کوشش ہے کہ امن اور بات چیت کے راستے میں کسی قوت کی مداخلت نہ ہو کیونکہ ہم ہر قیمت پر امن چاہتے ہیں۔ اسلام آباد میں پریس کے دوران جرگے کے رکن بریگیڈیئر(ر) نظیر نے کہا کہ انہوں نے کہا کہ ہم ہر قسم کی قربانی دے سکتے ہیں اور دینے کیلئے تیار ہیں، ہم آج بھی اس بنیادی نقطے پر متفق ہیں کہ قائد اعظم کے ساتھ جو جرگے نے پاکستان کے ساتھ الحاق کیا تھا اسی کے تحت حیثیت دی جائے، قبائل کیلئے وہی کافی اور مکمل ہے۔ انہوں نے کہا کہ قبائلی چاہتے ہیں ہماری حیثیت کو اسی طرح دیکھا جائے، جمہوری طریقے سے رائے لی جائے، پاکستان میں رہیں گے، پاکستان میں مریں گے، پاکستان کیلئے قربانی دیں گے۔