اسلام آباد/کراچی/لاہور (آئی این پی)سابق صدر پاکستان اور پاکستان پیپلزپارٹی پارلیمنٹیرینز کے صدر آصف علی زرداری نے کہا ہے کہ عوام کو غربت، بیروزگاری اور معاشی بدحالی سے نجات دلا کر انہیں سماجی اور معاشی انصاف کی فراہمی بینظیر بھٹو شہید کی زندگی کا مقصد تھا۔ پاکستان پیپلزپارٹی چیئرمین بلاول بھٹو زرداری کی قیادت میں بینظیر بھٹو شہید کا پاکستان بنا کررہے گی ۔ بینظیر شہید کی سالگرہ کے موقع پر دنیا بھر میں آباد جیالوں اور ہمدردوں کو مبارک باد دیتے ہوئے اس عزم کا اظہار کیا ہے کہ پاکستان پیپلزپارٹی بینظیر بھٹو کے خواب کی تکمیل کرتے ہوئے ملک سے جہالت ، شدت پسندی اور عدم برداشت کے رویوں کو شکست دے گی۔ اپنے پیغام میں سابق صدر آصف علی زرداری نے کہا کہ آج ضرورت اس بات کی ہے کہ محترمہ بینظیر بھٹو شہید کی فلاسفی پر عمل کرکے غریب دوست معیشت کو لیکر آگے بڑھیں۔