اسلام آباد(جنگ نیوز)پاکستان بیورو آف شماریات اور نیشنل ڈیٹا بیس رجسٹریشن اتھارٹی (نادرا) کے درمیان مفاہمتی یادداشت کا معاہدہ طے پاگیا۔ ایم او یو کے تحت نادرا ملک کی ساتویں اور پہلی ڈیجیٹل مردم شماری و خانہ شماری 2022کیلئے ادارہ شماریات کو ٹیبلٹ اور ڈویلپمینٹ سافٹ ویئر فراہم کرے گا۔ پہلی مرتبہ مردم شماری کیلئے ٹیکنالوجی کو استعمال کیا جائے گا۔ اس موقع پر احسن اقبال نے کہا کہ جتنا اچھا سافٹ ویئر ہوگا اتنا ہی اچھا رزلٹ ہوگا، امید ہے نادرا نےاچھا سافٹ ویئر بنایا ہوگا، ادارہ شماریات مردم شماری کے نتائج بروقت الیکشن کمیشن کو فراہم کرے گا جس کے نتیجے میں الیکشن کمیشن نئی حلقہ بندیاں کرسکے گا۔چیف اسٹیٹیشن نعیم ظفر نے کہا کہ اس بار بڑے پارٹنرز میں نادرا، اسپارکو، مسلح افواج ہیں، ڈیجیٹل مردم شماری میں ایک لاکھ 26 ہزار ٹیبلٹ استعمال ہونگے، منصوبے پر 13.41 ارب روپے لاگت آئے گی، ڈیجیٹل مردم شماری کا پائلٹ پراجیکٹ 18 جولائی سے شروع ہوگا اور یکم اگست 2022 کو مکمل ہوگا۔چیئرمین نادرا طارق ملک کا کہنا تھا کہ یہ پہلی مردم شماری ہے جو ڈیجیٹل ہونے جارہی ہے، اگر کسی کو مردم شماری پر اعتراضات ہونگے تو ٹیکنالوجی کی مدد سے فوری طور پر انہیں دور کیا جاسکے گا، نادرا یوزر فرینڈلی ویب بیسڈ سسٹم بھی متعارف کروارہے ہیں، اس پورٹل کے ذریعے شہری خود بھی اپنی رجسٹریشن کرواسکیں گے جس کی چیکنگ بھی ہوگی، پائلٹ پراجیکٹ کے تحت 500 بلاک میں ڈیجیٹل مردم شماری کی جائے گی جس کے بعد اس کا دائرہ کار ملک بھر میں پھیلادیا جائے گا۔
اسلام آبادصدر مملکت ڈاکٹر عارف علوی نےآئین کے آرٹیکل45کے تحت یوم پاکستان کے موقع پر قیدیوں کی سزاؤں...
ریاض/اسلام آباد پاکستان ،سعودی عرب اور برطانیہ میں جمعرات کو پہلا روزہ ہوگا جبکہ بھارت اور بنگلہ دیش میں...
کراچی پاکستان کرکٹ ٹیم کے کپتان بابر اعظم کو23مارچ کو یوم پاکستان کی تقریب کے موقع پر ستارہ ٔامتیاز دیا جائے...
فیصل آبادرہنما تحریک انصاف شہباز گل نے کہا عمران خان الیکشن بروقت کروانے کیلئے ہر کسی کے ساتھ بیٹھنے کو تیار...
اسلام آباد سحرافطار اور تراویح کے اوقات میں بجلی کی لوڈشیڈنگ نہ کرنے کا فیصلہ ،وزارت توانائی نے وزیراعظم کے...
لاہورامیر جماعت اسلامی سراج الحق نے جماعت اسلامی کے انتخابی منشور کی تقریب رونمائی سے خطاب کرتے ہوئے ملک میں...
لاہور متحدہ علما ء کونسل پاکستان کے مرکزی صدر مولانا زاہد الراشدی نے کہا ہے کہ ملک میں جاری سیاسی اور مالی...
واشنگٹن امریکا کے سابق مندوب برائے افغانستان زلمے خلیل زاد نے پی ٹی آئی چیئرمین عمران خان کے حق میں ایک اور...