پاکستان، ریلوے کے کرایوں میں اضافے کا اطلاق آج سے شروع

لاہور ( نمائندہ جنگ) پاکستان ریلوے کی جانب سے مسافرٹرینوں کی تمام کلاسز ، لگیج وین اور مال بردار گاڑیوں کے کرایوں میں حالیہ دنوں اضافےکا اعلان کیا گیا تھا جس کا اطلاق منگل سے ہو رہا ہے جس کے مطابق مسافرٹرینوں کے کرایوں میں وزارت ریلوے نے ایک بار 10فیصد جبکہ چند دن کےبعد دوبارہ 5فیصد اضافہ کیا تھا اس طرح مجموعی طورپر مسافر ٹرینوں کی تمام کلاسز پر 15فیصد اضافہ کیا گیا جبکہ لگیج وین کے کرایوں میں بھی بلترتیب 10فیصد اور 5فیصد کی شرخ سے اضافے کا اعلان کیا گیا تھا اورمال برادار گاڑیوں کے کرایوں میں پہلے 15فیصد جبکہ بعد میں 10فیصد اضافے کا نوٹیفکیشن جاری ہوا تھا ۔