بجٹ میں ملازمین کیلئے خوشخبری ہعگی، قدوس بزنجو، وزیر اعلیٰ سے ملاقات کے ملازمین کا احتجاج ختم

کوئٹہ(خ ن)وزیراعلیٰ بلوچستان میر عبدالقدوس بزنجو سے بلوچستان ایمپلائیز اینڈ ورکرز گرینڈ الائنس کے وفد نے حبیب الرحمن مردان زئی کی قیادت میں ملاقات کی چیف سیکریٹری عبدالعزیز عقیلی کمشنر کوئٹہ اور ڈی آئی جی کوئٹہ بھی ملاقات میں موجود تھے وزیراعلیٰ سے کامیاب ملاقات کے بعد گرینڈ الائنس نے ہڑتال اور دھرنا ختم کرنے کا اعلان کر دیا ،وفد سے بات چیت کرتے ہوئے وزیراعلیٰ نے کہا کہ حکومت ملازمین کے مسائل کے حل کے لئے سنجید ہ بنیادوں پر اقدامات کر رہی ہے،ملازمین کو حقوق کی فراہمی سے انکار نہیں انہوں نے کہا کہ ہڑتالوں اور دھرنوں سے عام شہری متاثر ہوتے ہیں سڑکیں بند کرنے سے مسائل حل نہیں ہوتے وزیراعلیٰ نے کہا کہ اگر ایک مریض بھی سڑک بند ہونے سے اسپتال نہ پہنچنے کی وجہ سے انتقال کر جاتاہے تو اسکی ذمہ داری کس پر ہوگی، وزیراعلیٰ نے کہا کہ جب سے ہم نے حکومت سنبھالی بہت سے دھرنوں کو بات چیت کے ذریعے حل کیا ہمارے صوبے کی اپنی روایات ہیں ہمیں بات چیت کے ذریعہ مسائل کے حل پر یقین ہے وزیراعلیٰ نے کہا کہ ہماری حکومت نے اب تک ملازمین کی فلاح و بہبود کے لئے جو کیا ماضی میں اسکی مثال نہیں ملتی آئندہ بجٹ میں بھی ملازمین کی لئے خوشخبری ہے وزیراعلیٰ نے کہا کہ آئندہ مالی سال کے بجٹ میں بھی ملازمین کی تنخواہوں اور پینشن میں اضافہ کے ساتھ دیگر مراعات شامل ہیں وزیراعلیٰ نے کہا کہ مالی مسائل اور وسائل کی کمی کے باوجود ملازمین کے مفادات کو تحفظ دیا جا رہا ہے ۔