اسرائیل کا امریکی سربراہی میں مشرق وسطیٰ میں نیا فضائی دفاعی اتحاد قائم کرنے کا اعلان

مقبوضہ بیت المقدس( مانیٹرنگ نیوز) اسرائیلی وزیردفاع بینی گینز نے کہا ہے کہ ان کا ملک امریکا کی قیادت میں ’’مشرق وسطیٰ میں نیا فضائی دفاعی اتحادتشکیل دے رہا ہے۔پیر کو انہوں نےکہا ہے کہ اسرائیلی فوج کے آلات نے پہلے ہی ایران کی حملوں کی کوشش کو ناکام بنا دیا ہے۔بینی گینز نے اسرائیلی پارلیمان کی خارجہ امور اور دفاعی کمیٹی کو دی گئی بریفنگ میں مجوزہ اتحاد میں شامل کسی اور شراکت دار کا نام لیا ہے اور نہ اس کی مزید کوئی تفصیل بتائی ہے۔