حمزہ شہباز 41 کروڑ 43 لاکھ، عثمان بزدار 5 کروڑ 80 لاکھ سے زائد اثاثوں کے مالک، ارکان پنجاب اسمبلی کے اثاثوں کی تفصیلات جاری

اسلام آباد ( نمائندہ جنگ )الیکشن کمیشن نے پنجاب اسمبلی اراکین کے اثاثوں کی تفصیلات جاری کردیں ،وزیراعلیٰ پنجاب حمزہ شہباز 41کروڑ 43 لاکھ سے زائد جبکہ سابق وزیراعلیٰ عثمان بزدار5کروڑ 80لاکھ سے زائد مالیت کے اثاثوں کے مالک ہیں، وزیراعلیٰ پنجاب 9کروڑ سے زائدکامقروض، پہلی اہلیہ 50 لاکھ ، دوسری 3 کروڑ 74 لاکھ کی مالک، پرویز الٰہی 23 کروڑ 14 لاکھ کےمالک ہیں، اویس لغاری 44 کروڑ ، محمود الرشید 18 کروڑ سے زائد سابق ایم پی اے علیم خان کےاثاثے ایک ارب70 کروڑ سے زائد ہیں، پیر کے روز الیکشن کمیشن کی جانب سے جاری تفصیلات کے مطابق وزیراعلیٰ حمزہ شہباز 41 کڑوڑ 43 لاکھ روپے کے اثاثوں کے مالک ہیں، وزیراعلیٰ نے 13 کڑوڑ 64 لاکھ کے 11 رہائشی گھر ظاہر کئے، حمزہ شہباز کی 3 زرعی زمینوں کی مالیت 3 کڑوڑ 97 لاکھ ہے ،وزیراعلیٰ نے خود کو 9 کڑوڑ 71 لاکھ روپے کا مقروض ظاہر کیا ،حمزہ شہباز کی پہلی اہلیہ مہر النساء 50 لاکھ روپے ، دوسری اہلیہ رابعہ حمزہ 3 کروڑ 74 لاکھ روپے کے اثاثوں کی مالک ہیں، سپیکر چودھری پرویز الٰہی 23 کروڑ 14 لاکھ کے اثاثوں کے مالک نکلے، پرویز الٰہی نے 6کڑوڑ 78 کی غیر زرعی زمین ، فلور مل کی مالیت 99 لاکھ روپے ظاہر کی، اہلیہ 10 کڑوڑ کے اثاثوں کی مالک ہیں،اپوزیشن لیڈر سبطین خان 1 کڑوڑ سے زائد اثاثوں کے مالک نکلے انہوں نے زرعی اراضی کی مالیت ظاہر نہیں کی،صوبائی وزیر اویس لغاری 44 کڑوڑ کے اثاثوں کے مالک نکلے ، حنا پرویز بٹ نے 9 کڑوڑ 94 لاکھ کے اثاثے ظاہر کئے انکو 2 عدد گھر تحفے میں ملے حنا پرویز بٹ نے تحفے میں ملنے والے گھروں کی مالیت ظاہر نہیں کی، ثانیہ عاشق نے 35 لاکھ مالیت کے اثاثے ظاہر کئے، عظمی بخاری 24 لاکھ روپے مالیت کی اثاثوں کی مالک ہیں انکے پاس 70 تولے سونا بھی ہے، ڈپٹی سپیکر سردار دوست محمد مزاری 2 کروڑ سے زائد اثاثوں کے مالک ہیں، سابق وزیر صحت ڈاکٹر یاسمین راشد 2 کروڑ سے زائد مالیت کے اثاثوں کی مالک ہیں ،سابق وزیراعلی عثمان بزدار 5 کروڑ 80 لاکھ سے زائد اثاثوں کے مالک نکلے انہوں نے گھر اور زرعی زمین کی تفصیلات الیکشن کمیشن میں جمع کرائیں،سابق صوبائی وزیر مراد راس 38 لاکھ ،میاں محمود الرشید 18 کروڑ سے زائد کے اثاثوں کی مالک ہیں، سب سے زیادہ امیر ترین سابق رکن صوبائی اسمبلی علیم خان ہیں جن کے کل مالیاتی اثاثے ایک ارب70 کروڑ سے زائد ہیں۔