وفاقی کا بینہ کا اجلاس آج ہو گا

اسلام آ باد ( نیوز رپورٹر) وزیر اعظم شہباز شریف نے وفاقی کابینہ کا اجلاس طلب کرلیا ہے۔ وفاقی کابینہ کا اجلاس آج بروز منگل صبح 10 بجے ہوگا۔ وفاقی کابینہ کے اجلاس کا 5نکاتی ایجنڈا جاری کردیا گیا ہے۔کابینہ اجلاس میں ملکی اور بین الاقوامی سکوک بانڈ کے اجراء کی منظوری دی جائیگی۔ سکوک بانڈز قانونی رکاوٹ کے بغیر اداروں کے عوض جاری ہونگے۔ کابینہ کو جی ایس پی پلس سٹیٹس سے متعلق اور ٹریڈ آرگنایزیشن ایکٹ کےتحت اپیل پر کابینہ کو بریفنگ دی جائیگی۔ مختلف امور پر ویزہ پالیسی میں تبدیلی سے متعلق ایجنڈا بھی زیر غور آئیگا۔ کورونا سے بچاو کے انجکشن ریمیڈیسور کی قیمت میں کمی کا معاملہ ایجنڈا میں شامل ہے۔ اجلا س میں ملک کی سیا سی اور معاشی صورتحال پر غور کیا جا ئیگا۔