پاک سر ی لنکا ٹیسٹ سیریز کیلئے 18رکنی پاکستان ٹیم کا اعلان

کراچی (نیوز ڈیسک) پاکستان کرکٹ ٹیم نےسری لنکا کیخلاف ٹیسٹ سیریز کیلئے 18 رکنی قومی ٹیسٹ اسکواڈ کا اعلان کردیا۔ لیگ اسپنر یاسر شاہ کی ایک سال بعد ٹیم میں واپسی ہوئی ہے جبکہ ان کیپڈ آل راؤنڈر سلمان علی آغا کو پاکستان ٹیسٹ ٹیم کا حصہ بنایا گیا ہے۔ پاکستان کرکٹ ٹیم کے چیف سلیکٹر محمد وسیم نے دورہ سری لنکا کے لیے 18 رکنی قومی ٹیسٹ اسکواڈ کا اعلان کردیا۔ لیگ اسپنر یاسر شاہ کی قومی ٹیسٹ اسکواڈ میں واپسی ہوئی ہے۔آخری ٹیسٹ سیریز میں یاسر شاہ نے24 وکٹیں حاصل کرکے پاکستان کو 1-2 سے فتح دلانے میں اہم کردار ادا کیاتھا۔ تھی۔ آل راؤنڈر سلمان علی آغا کو پہلی بار قومی ٹیسٹ اسکواڈ میں شامل کیا گیا ہے۔ انجری سے چٹھکارا پانے والے محمد نواز کو ٹیم میں شامل کیا گیا۔ اعلان کردہ ٹیسٹ اسکواڈ میں بابر اعظم (کپتان)، محمد رضوان (نائب کپتان، وکٹ کیپر)، عبداللہ شفیق، اظہر علی، فہیم اشرف، فواد عالم، حارث رؤف، حسن علی، امام الحق، محمد نواز، نسیم شاہ، نعمان علی، سلمان علی آغا، سرفراز احمد (وکٹ کیپر)، سعود شکیل، شاہین شاہ آفریدی، شان مسعود اور یاسر شاہ شامل ہیں۔ پاکستان اور سری لنکا کے مابین آئی سی سی ورلڈ ٹیسٹ چیمپئن شپ میں شامل دو میچز گال اور کولمبو میں کھیلے جائیں گے۔ پاک سری لنکا سیریز کا پہلا ٹیسٹ 16 سے 20 جولائی تک گال جبکہ دوسرا 24 سے 28 جولائی تک کولمبو میں کھیلا جائے گا۔ سیریز میں شامل واحد تین روزہ وارم اپ میچ 11 جولائی سے کولمبو میں شروع ہوگا۔