اسلام آباد (صباح نیوز)سٹیٹ بنک آف پاکستان نے ذخائر ناقابل استعمال ہونے سے درآمدگی ادائیگیاں روکے جانے کی افواہیں مسترد کرتے ہوئے کہا ہے کہ ذخائر8.9ارب ڈالر موجود اور قابل استعمال ہیں، رواں ماہ سٹیٹ بنک 4.7 ارب ڈالر کی درآمدات کی ادئیگیاں کرچکا ہے ،سونے کے ذخائر بھی ہر مقصد کیلئے قابل استعمال ہیں۔بنک کا کہنا تھا کہ سٹیٹ بنک کے ذخائر8.9 ارب ڈالر کی سطح پر ہیں اورمکمل طور پر قابل استعمال ہیں۔ سٹیٹ بنک کی جانب سے درآمدی ادائیگیاں روکنے کی افواہیں بھی غلط قرار دے دی گئی ہیں، رواں ماہ سٹیٹ بنک 4.7 ارب ڈالر کی درآمدات کی ادئیگیاں کرچکا ہے۔ 10 جون کو سٹیٹ بنک کے ذخائر 8 ارب 99 کروڑ ڈالر تھے جن میں سونے کے ذخائر شامل نہیں ہیں، سونے کے ذخائر بھی ہر مقصد کیلئے قابل استعمال ہیں۔سٹیٹ بنک آف پاکستان نے کہا ہے کہ کمرشل بنکوں کے پاس بھی فنڈز کی کوئی کمی نہیں ہے، ڈالر کے وافر ذخائر درآمدی ادائیگیوں کے لیے موجود ہیں۔