سرگودھاضمنی الیکشن:سابق (ن)لیگی امیدوار کوپی ٹی آئی کا ٹکٹ مل گیا

سرگودھا(این این آئی)سرگودھا ریجن کے حلقہ پی پی90میں تحریک انصاف نے ڈی سیٹ ہونے والے ایم پی اے کے مقابلہ میں گزشتہ انتخابات میں شکست کھانے والے مسلم لیگ ن کے سابق امیدوار کو پی ٹی آئی میں شمولیت پر حالیہ ضمنی الیکشن کیلئے تحریک انصاف کا امیدوار نامزد کر دیا ،اس ضمنی الیکشن میں 15 امیدواروں میں سخت مقابلہ متوقع ہے ۔ گزشتہ انتخابات میں سعید اکبر نوانی نے آزاد حیثیت میں مسلم لیگ ن کے عرفان اللہ نیازی کو14464ووٹوں سے شکست دی اور پی ٹی آئی میں شمو لیت اختیار کرلی۔ان کی نااہلی پر خالی ہونے والی نشست پر پی ٹی آئی نے سابق ن لیگی امیدوارعرفان اللہ نیازی کو پارٹی میں شامل کرکے ٹکٹ دیدی۔