بھارت نے سدھوموسے والا کا قتل بھی پاکستان کے کھاتے میں ڈال دیا

نئی دہلی (آئی ا ین پی) بھارت کے آنجہانی بھارتی گلوکار سدھو موسے والا کے قتل کو بھی پاکستان کے کھاتے میں ڈال دیا گیا۔ تفصیلات کے مطابق بھارتی پولیس نے دعویٰ کیا ہے کہ گذشتہ ماہ پنجابی گلوکار سدھو موسے والا کے قتل کے مبینہ مرکزی شوٹر پریورت عرف فوزی کو ڈرون کے ذریعے پاکستان سے ہتھیاروں کی کھیپ بھیجی گئی۔ اس کھیپ میں آٹھ دستی بم، ایک انڈر بیرل گرینیڈ لانچر، نو الیکٹرک ڈیٹونیٹرز اور ایک اے کے 47شامل تھے۔ یہ ہتھیار اس قتل میں ناکامی پر ہنگامی صورت حال میں استعمال کیلئے رکھے گئے تھے۔