برطانیہ میں افراط زر40سال کی بلند ترین شرح پر پہنچ گئی، ادارہ شماریات

23 جون ، 2022

لندن(اے پی پی)برطانیہ میں ایندھن اور اشیائے خورد ونوش کی بڑھتی ہوئی قیمتوں نے افراط زر کی شرح کو9.1فیصد تک پہنچا دیا ہے جو گزشتہ40برس کی ایک نئی بلند ترین شرح ہے۔برطانیہ کے قومی دفتر برائے شماریات کے حوالے سے بتایا کہ گزشتہ برس کے مقابلے میں اشیائے خورد ونوش کی قیمتوں میں اضافہ اس بلند ترین شرح کی وجہ بنی ہے، مئی کے دوران صارفین کے لیے قیمتوں میں ماہانہ بنیادوں پر اضافہ 0.7 فیصد رہا۔ برطانوی معیشت ان دنوں جمود کا شکار ہے اور خدشات کا اظہار کیا جا رہا ہے کہ اگر یہ صورتحال برقرار رہی تو برطانیہ معاشی بحران کا شکار ہو سکتا ہے۔