متحدہ کے نومنتخب رکن قومی اسمبلی ابوبکر نے حلف اٹھالیا

23 جون ، 2022

ا اسلام آباد (صباح نیوز)کراچی سے متحدہ قومی موومنٹ پاکستان کے نومنتخب رکن قومی اسمبلی ابوبکر نے بطور رکن قومی اسمبلی اپنے عہدے کا حلف اٹھا لیا۔ سپیکر قومی اسمبلی راجہ پرویز اشرف نے نومنتخب رکن سے حلف لیا۔ گذشتہ روز قومی اسمبلی کا اجلاس سپیکر قومی اسمبلی راجہ پرویز اشرف کی زیر صدارت ہوا۔اجلاس میں کراچی کے حلقہ قومی اسمبلی کے حلقہ این اے240سے ضمنی انتخاب میں 10683ووٹ لے کر منتخب ہونے والے رکن قومی اسمبلی ابوبکر نے اپنے عہدے کا حلف اٹھایا۔سپیکر قومی اسمبلی راجہ پرویز اشرف نے ان سے حلف لیا۔حلف اٹھانے کے بعد ابوبکر نے قومی اسمبلی ارکان کے رجسٹر پر دستخط بھی کئے۔