گلگت ، سیاحوں کی گاڑی کھائی میں جاگری ،4جاں بحق ، 8زخمی

گلگت (اے پی پی)گلگت کے علاقے رحیم آباد کے قریب موڑ کاٹتے ہوئے سیاحوں کی گاڑی حادثے کا شکار ہوگئی جس کے نتیجے میں4سیاح جاں بحق اور 8زخمی ہوگئے ۔ پولیس کے مطابق سیاحوں کا تعلق کراچی سے ہے۔ گاڑی میں12افراد سوار تھے۔عینی شاہدین کے مطابق گاڑی موڑ کاٹتے ہوئے بے قابو ہوکر گہری کھائی میں جا گری۔ حادثے کی اطلاع ملتے ہی مقامی لوگوں نے ریسکیو 1122 گلگت کے ساتھ مل کر امدادی کارروائیاں شروع کر دیں، زخمیوں کو پرونشل ہیڈ کوارٹر ہسپتال گلگت منتقل کردیا گیا ہے۔