محمود اختر کی طبیعت ناساز، نبیل ظفر،ہمایوں سعید صحت یابی کیلئے دعا گو

کراچی (نیوز ڈیسک) مشہور کامیڈی ڈرامے بلبلے کے مرکزی اداکار نبیل ظفر نے سوشل میڈیا پر محمود اختر اور تنویر جمال کی صحت یابی کے لئے دعا کی ہے۔ پاکستان شوبز انڈسٹری کے سینئر اداکار محمود اختر کی طبیعت ناساز ہے اس حوالے سے اداکار نبیل ظفر نے اپنے آفیشل انسٹاگرام اکائونٹ پر محمود اختر اور تنویر جمال دونوں کی تصاویر شیئر کرتے ہوئے ان سینئر اداکاروں کی صحت یابی کے لئے دعا کی۔ انہوں نے اپنی پوسٹ کے کیپشن میں لکھا کہ اللہ تعالی آپ دونوں اداکاروں کو مکمل صحت یابی اور لمبی زندگی عطا کرے، آمین۔ ہمایوں سعید نے بھی نبیل ظفر کی پوسٹ پر کمنٹ کرتے ہوئے دونوں اداکاروں کی جلد صحت یابی کے لیے دعا کی، یاد رہے کہ تنویر جمال کینسر سے جنگ لڑ رہے ہیں کینسر نے ان کے پھیپڑوں کو شدید متاثر کیا ے جس کی وجہ سے انہیں سانس لینے میں تکلیف کا سامنا کرنا پڑ رہا ہے وہ علاج کے لئے جاپان منتقل ہوچکے ہیں اور گزشتہ دنوں ان کی ویڈیو بھی سوشل میڈیا پر وائرل ہوئی تھی تاہم محمود اخترکو کون سا مرض لاحق ہے یہ اب تک واضح نہیں ہوسکا اور نہ ہی ان کے اہل خانہ کی جانب سے کوئی بیان سامنے آیا ہے۔