روس کاسابق امریکی فوجیوں کو سزائے موت کا عندیہ

ماسکو ( نیوز ڈیسک) روسی صدارتی ترجمان نے یوکرین میں پکڑے جانے والے سابق امریکی فوجیوں کی سزائے موت کا عندیہ دے دیا۔ کریملن کے ترجمان دیمتری پیسکوف نے ایک انٹرویو میں کہا کہ روس نے یوکرین میں سابق امریکی فوجیوں کوپکڑا ہے اور روس اس بات کی ضمانت نہیں دے سکتا کہ یوکرین میں پکڑے گئے سابق امریکی فوجیوں کو سزائے موت کا سامنا نہیں کرنا پڑے گا۔