کاغذ کی قیمتوں میں 100 فیصد اضافہ،پبلشرزکیلئے نئی کتابیں چھاپناناممکن

کوئٹہ (اسٹاف رپورٹر)کاغذ کی قیمتوں میں 100 فیصد اضافے کے بعد تعلیمی شعبے میں نیا بحران پیدا ہونے کا اندیشہ ہے۔بتایاگیا ہے کہ کاغذ کی قیمتوں میں 100 فیصد اضافے کے بعد پبلشرز کے لیے نئی کتابیں چھاپنا ممکن نہیں رہا ہے جس کے باعث دینی اور عصری تعلیمی شعبے میں نیا بحران پیدا ہوگا۔کاغذ کے کاروبار سے وابستہ تاجروں کا کہنا ہے کہ گزشتہ چند ماہ کے دوران پیپر ملوں نے چار بار کاغذ کی قیمتوں میں اضافے کیا ہے جس کے بعد اس دوران کاغذ کی قیمت 105 سے بڑھ کر 210 روپے فی کلو ہوچکی ہے۔پبلشرز نے فیصلہ کیا ہے کہ لوکل کاغذ پر قرآن پاک اور قرآنی قاعدے نہیں چھاپے جائیں گے۔مزید بتایا گیاہے کہ کاغذ اور بجلی کی قیمت بڑھنے سےپبلشرز بھی پریشان ہیں ، والدین کا کہنا ہے بچوں کی کاپیاں اور رجسٹرڈ جو پہلے 1000سے1500روپے میں آجاتے تھے اب وہ 3000تک پہنچ چکے ہیں ۔بلوچستان میں چونکہ دوسرے صوبوں سے کاغذ یہاں آ تاہے ،اس لئے کاغذ کے نرخ یہاں اور بھی زیادہ ہیں۔