انسداد منشیات کا عالمی دن 26جون کو منایا جائے گا

کوئٹہ(اسٹاف رپورٹر)پاکستان سمیت دنیا بھر میں انسداد منشیات کا عالمی دن 26جون کو منایا جائے گا اس دن کے منانے کا مقصد دنیا بھر میں منشیات کے استعمال کی روک تھام،غیر قانونی تجارت کے خاتمہ اور اس کی تباہ کاریوں کے سلسلہ میں عوام الناس میں شعور و آگہی پیدا کرنا ہے اس دن کے حوالے سے سماجی تنظیموں کے زیر اہتمام واکس،مذاکرے اور تقاریب منعقد کی جاتی ہیں جس میں ماہرین منشیات کی سمگلنگ اس کے استعمال اور اس کی تباہ کاریوں کے متعلق تفصیل سے روشنی ڈالیں گے اانسداد منشیات کے عالمی دن کا آغاز اقوام متحدہ کی جنرل اسمبلی میں ایک قرارداد سے ہوا یہ قرارداد 1987ء میں منظور کی گئی ۔ایک رپورٹ کے مطابق دنیا بھر میں منشیات کی خرید و فروخت500ارب ڈالر سے زائد ہے ۔