کھمبوں کی مرمت کرکے سنی کو بجلی کی فراہمی یقینی بنائی جائے،میر زاہدجتوئی

ڈھاڈر(نامہ نگار) نومنتخب کونسلر میر زاہدجتوئی، میر نصراللہ جتوئی،قبائلی رہنماء میر محمد حسن جتوئی،میر مشتاق شاہوانی،میر امدادحسین جتوئی نے جنگ سے گفتگو کرتے ہوئے کہاہے کہ تحصیل سنی،کھٹن کے درمیان متاثر ہونے والے بجلی کے چار کھمبوں کی ایک ہفتہ گزرجانے کے باوجود مرمت نہ ہوسکی علاقہ اندھیرے میں ڈوب گیاہے فصلیں متاثر ہورہی ہیں جسکی وجہ سے زمینداروں میں شدید بے چینی پائی جاتی ہے بجلی نہ ہونے کی وجہ سے معمولات زندگی بری طرح سے متاثر ہیں روزمرہ کے امور میں بھی دشواریوں کا سامنا کرنا پڑرہا ہے جبکہ شدید گرمی ہونے سے بھی عوام پریشان ہیں انہوں نے کہا کہ عوام کی داد سی کرنے والا کوئی نہیں ایک ہفتے سے بجلی نہ ہونے کی وجہ سے شدید گرمی میں عوام کا کوئی پرسان حال نہیں صاف پانی کی فراہمی نہ ہونے سے عوام در در کی ٹھوکریں کھانے پر مجبور ہیں انہوں نے اعلیٰ حکام کی توجہ مبذول کراتے ہوئے مطالبہ کیا کہ مذکورہ کھمبوں کی فی الفور مرمت کرکے سنی کو بجلی کی فراہمی یقینی بنائی جائے۔