کنوینس الائونس میں اضافہ نہ کرنا ملازم دشمنی ہے

کوئٹہ(پ ر) بلوچستان اسٹینو گرافر ایسوسی ایشن کے پریس ریلیز میں صوبائی بجٹ میں کنوینس الائونس میں اضافہ نہ کرنے کی شدید الفاظ میں مذمت کرتے ہوئے کہا کہ گزشتہ سال چاروں صوبوں میں25فیصد ڈی آر اے دیا گیا جبکہ بلوچستان میں15فیصد کا اعلان کیا گیا اور امسال حکومت کی جانب سے کہا گیا کہ بجٹ میں بقایا 10 فیصد ڈی آر اے کا اعلان کیا جائیگا لیکن ڈی آر اے کا اعلان تو درکنار وفاق کی جانب سے اعلان کردہ کنوینس الائونس کا بھی اعلان نہیں کیا گیا ۔ بیان میں کہا گیا کہ مخلوط حکومت میں شامل اتحادی جماعتوں کو سیاسی رشوت کے طور پر اربوں روپے کی ترقیاتی اسکیموں سے نوازا گیا لیکن متوسط و غریب طبقے کے سرکاری ملازمین کیلئے حکومت کے پاس کچھ نہیں ۔بیان میں اپوزیشن جماعتوں سے اپیل کی گئی کہ وہ بجٹ کنوینس الائونس سمیت اسٹینو گرافر و دیگر کیڈرز کی اپ گریڈیشن کے اعلانات کے بغیر منظور نہ ہونے دیں۔