شہید عثمان کاکڑ محکوم اقوام کی توانا آواز تھے ‘ رفیق پشتون ایڈووکیٹ

کوئٹہ(پ ر)پشتون قومی تحریک کے قائد رفیق پشتون ایڈووکیٹ نے بیان میں شہید عثمان خان کاکڑ کی پہلی برسی کے موقع پر خراج عقیدت پیش کرتے ہوئے کہا کہ وہ نڈر با صلاحیت قوم پرست رہنما تھے انہوں اپنی سیاست پی ایس او کے پلیٹ فارم سے شروع کی بعد میں پشتونخوا ملی عوامی پارٹی میں شامل ہوگئے اور اپنی حق پرستی کی سیاست جاری رکھی سینیٹ کے رکن منتخب ہوئے اور ایوان بالا میں پشتونوں بلوچوں سمیت محکوم اقوام کے حقوق کے لیے آواز بلند کرتے رہے شہید عثمان کاکڑ نے اپنی ساری زندگی مظلوم پشتونوں کے حقوق کیلئے جدوجہد میں گزاری ۔ انہوں نے کہا کہ شہید عثمان خان کاکڑ کی خدمات تا دیر یاد رکھی جائینگی وہ محکوم اقوام کی توانا آواز تھے۔