غم کی گھڑی میں اپنے افغان بھائیوں کے ساتھ ہیں‘ وزیراعلیٰ بزنجو

23 جون ، 2022

کوئٹہ (خ ن) وزیراعلیٰ بلوچستان میر عبدالقدوس بزنجو نے افغانستان کے مختلف صوبوں میں آنے والے زلزلے سے ہونے والے قیمتی انسانی جانوں کے ضیاع اور املاک کو پہنچنے والے نقصان پر افسوس کا اظہار کیا ہے وزیر اعلیٰ ایک بیان میں کہا کہ قدرتی آفت سے جو قیمتی جانوں کا ضیاع ہوا ہے اس کا ازالہ ممکن نہیں پورا افغانستان اس وقت غم زدہ ہے اور ہم بھی غم کی اس گھڑی میں اپنے افغان بھائیوں کے ساتھ ہیں وزیر اعلیٰ نے جاں بحق افراد کے لواحقین سے ہمدردی کا اظہار کرتے ہوئے ان کے بلند درجات، زخمیوں کی جلد صحت یابی اور سوگوار خاندانوں کے لیے صبر جمیل کی دعا کی ہے۔