کوئٹہ اور لسبیلہ میں بلدیاتی انتخابات 28 اگست کو ہونگے، شیڈول جاری

کوئٹہ(اسٹاف رپورٹر)الیکشن کمیشن آف پاکستان نے کوئٹہ اور لسبیلہ سمیت بلوچستان کے مختلف اضلاع میں بلدیاتی انتخابات کا شیڈول جاری کردیا انتخابات 28 اگست کو ہونگے ، 31 اگست کو نتائج جاری کیے جائیں گے ،بدھ کو الیکشن کمیشن آف پاکستان کے جاری کردہ نوٹیفکیشن کے مطابق ضلع کوئٹہ ، لسبیلہ اور پہلے مرحلے میں موسیٰ خیل ، مستونگ ، جعفر آباد ، ژوب ، چاغی کے جن حلقوں میں انتخابات نہیں ہوسکے تھے وہاں انتخابات کے لئے ریٹرننگ آفیسرز 6 جولائی کو پبلک نوٹس جاری کریں گے 14 سے 18 جولائی تک کاغذات نامزدگی جمع کرائے جا سکیں گے ، 19 جولائی کو نامزد امیدواروں کی فہرست شائع جبکہ 23 جولائی تک ریٹرننگ افسران کاغذات نامزدگی کی جانچ پڑتال کریں گے 2 اگست تک اپیلیں نمٹائی جائیں گی ، 3 اگست کو امیدواروں کی نظرثانی شدہ فہرست جاری کی جائیگی 4 اگست تک کاغذات نامزدگی واپس لئے جاسکیں گے ، 5 اگست کو امیدواروں کو انتخابی نشانات الاٹ ہوں گے 28 اگست کو پولنگ ہوگی اور 31 اگست تک نتائج جمع کرکے جاری کئے جائیں گے۔