بھارتی عدلیہ کاسسٹم کنٹرولڈ، کسی کشمیری کو حقوق نہیں دیتی، مشعال ملک

اسلام آباد (خبر نگار) حریت رہنما یٰسین ملک کی اہلیہ مشعال ملک نے کہاہے کہ یٰسین ملک نے نیلسن منڈیلا اور گاندھی کی طرح پرامن سیاسی تحریک چلائی مگر انہیں دہشتگرد قرار دیا گیا ، کسی زمانے میں نیلسن منڈیلا کو دہشتگرد قرار دیا گیا مگر بعد میں نوبیل انعام سے نوازا گیا جس کیخلاف کوئی انکوائری چل رہی ہو تو اسے دفاع کا حق دیا جاتا ہے، بھارتی عدلیہ کا سسٹم کنٹرولڈ ہے بھارتی عدلیہ کسی کشمیری کو حقوق نہیں دیتی، اقوام متحدہ یٰسین ملک کے معاملے پر کمیشن آف انکوائری بنائے، اسلام آباد ہائیکورٹ بارایسوسی ایشن کے زیر اہتمام منعقدہ تقریب سے خطاب کرتے ہوئے مشعال ملک نے کہاکہ یٰسین ملک کو بولنے کی اجازت نہیں دی گئی اور آن لائن سزا سنائی گئی جب وہ بولنے لگے تو آواز میوٹ کردی گئی ، یٰسین ملک کا فیصلہ آنے سے پہلے میڈیا ٹرائل شروع کیا گیا،کس بات اور ثبوت پر یٰسین ملک کو سزا دی گئی، یٰسین ملک کیخلاف دہشتگردوں کی معاونت، قتل عام جیسے بے وقوفانہ الزامات لگائے گئے۔ بھارتی حکومت نے یٰسین ملک کو بنیادی حقوق سے بھی محروم رکھا، یٰسین ملک کو فیملی سے ملاقات کی اجازت نہیں دی گئی۔ ، یٰسین ملک کو سزا کے بعد کشمیری نوجوانوں کا قتل عام کیا گیا، کشمیری کبھی بھی بھارتی نہیں تھے اور نہ چاہتے ہیں۔