مصطفیٰ کمال کی مجھے دھمکی ریکارڈ پر ہے، ان کا ملائیشیا میں اربوں کا کاروبار ہے‘مفتی منیب

کراچی (اسٹاف رپورٹر)معروف عالم دین ،روئیت ہلال کمیٹی پاکستان کے سابق چیئرمین مفتی منیب الرحمٰن نے کہا ہے کہ مصطفیٰ کمال صاحب نے مجھے اپنے ملفوظاتِ عالیہ سے نوازا ہے اور دھمکی بھی دی ہے، یہ معاملہ میں اللہ تعالیٰ کے سپرد کرتا ہوں، زندگی اور موت اللہ تعالیٰ کے دستِ قدرت میں ہے، تاہم ان کی یہ دھمکی ریکارڈ پر ہے، ان کا ملائیشیا میں اربوں کا کاروبار ہے ، انھوں نے جو لب ولہجہ اختیار کیا،اُس سطح پر آنا میرے لیے ممکن نہیں ،میں کبھی عزیز آباد میں نہیں رہا، 1965سے بلاک15فیڈرل بی ایریا میں رہتا رہا ہوں ، لیاری تیسر ٹائون میں پلاٹ لینے کا کہنا صریح جھوٹ ہے۔