مترو، جناح کالونی میں سیوریج کا پانی مین روڈ پر جمع ،گاڑیاں پھنسنے لگیں

مترو (نامہ نگار) جناح کالونی مترو میں سیوریج کا پانی مین روڈ پر جمع ہو گیا، گہرے گڑھے پڑ جانے سے روزانہ درجنوں گاڑیاں پھنس جاتی ہیں، جناح کالونی مترو کی ہزاروں نفوس پر مشتمل آبادی میں سیوریج کا موثر انتظام موجود نہیں ہے، آبادی کا گندا پانی مین روڈ پر جمع ہونے سے یہاں گہرے گڑھے پڑ گئے ہیں اور پر ٹریفک کا گزرنا مشکل ہو گیا ہے، اہل علاقہ محمد اکمل، محمد منیر قادری، بشیر احمد قادری، چوہدری غلام بسم اللہ، محمد زبیر ، محمد اقبال اور دیگر نے شدید احتجاج کرتے ہوئے اعلیٰ حکام سے فوری کارروائی کا مطالبہ کیا ہے۔