پنجاب کابینہ میں توسیع ضمنی انتخابات کے بعد ہوگی

23 جون ، 2022

لاہور(نمائندہ خصوصی)پنجاب کابینہ میں توسیع ضمنی انتخابات کے بعد ہی ہوگی۔ حکومت نے اتحادی پیپلز پارٹی بھی آگاہ کردیا ہے ۔ ذرائع کے مطابق مسلم لیگ ن کے ایک درجن سے زائد متوقع وزراء مختلف اضلاع میں پارٹی امیدواروں کی انتخابی مہم میں شریک ہیں چونکہ وزراء اور مشیروں کے انتخابی مہم میں حصہ لینے پر پابندی ہے، اس لئے انہیں وزیر بنا دیا گیا تو پارٹی امیدواروں کی انتخابی مہم متاثر ہونے کا خدشہ ہے ۔ ترین گروپ کے منحرف دواراکین کو بھی الیکشن جیتنے پرکابینہ کا حصہ بنایا جائے گا۔