سابق چیئرمین نیب جاوید اقبال اور طیبہ گل کے مبینہ ویڈیو اسکینڈل کی گونج پبلک اکائونٹس کمیٹی تک پہنچ گئی

اسلام آباد (ٹی وی رپورٹ/ آن لائن ) سابق چیئرمین نیب جاوید اقبال اور طیبہ گل کے مبینہ ویڈیو اسکینڈل کی گونج پبلک اکائونٹس کمیٹی تک پہنچ گئی، تفصیلات کے مطابق چیئرمین پبلک اکاؤنٹس کمیٹی نور عالم خان نے ویڈیو اسکینڈل میں سابق چیئرمین نیب کو پی اے سی میں بلانے کا عندیہ دے دیا۔انہوں نے پبلک اکاؤنٹس کمیٹی کے اجلاس میں بتایا کہ سابق چیئرمین نیب جسٹس ( ر ) جاوید اقبال اور طیبہ گل نامی خاتون کے ویڈیو اسکینڈل معاملے پر ایک خاتون نے سابق چیئرمین نیب کے خلاف شکایت بھیجی ہے، درخواست میں طیبہ گل کی طرف سے سابق چیئرمین نیب جسٹس ( ر ) جاوید اقبال، ڈی جی نیب سلیم شہزاد کے خلاف کارروائی کا مطالبہ کیا گیا ہے۔