ویسٹ انڈیز نے 10 اوورز کا نیا فارمیٹ ’’6 ٹی ‘‘ متعارف کرادیا

کراچی (اسٹاف رپورٹر) کرکٹ ویسٹ انڈیز نے ٹی ٹین کرکٹ کا نیا فارمیٹ ’’6ٹی‘‘ متعارف کرادیا جس میں دلچسپ قوانین بنائے گئے ہیں۔ ویسٹ انڈیز میں 6 ٹی کا پہلا ایڈیشن چوبیس سے اٹھائیس اگست تک ہوگا، چھ ٹیمیں شریک ہوں گی ۔ ایونٹ میں دنیا بھر سے کھلاڑی ایکشن میں ہوں گے۔قوانین کے مطاق 60 بالز فی اننگز کے میچ میں چھٹی وکٹ گرنے پر اننگز تمام ہوجائے گی۔ دو پاور پلے اوور ہوں گے، پہلی بارہ گیندوں پر دو چھکے لگاکر تیسرا پاور پلے اوور لیا جاسکتا۔ پہلی تیس گیندیں ایک اینڈ سے پھر دوسری تیس گیندیں اگلے اینڈ سے ہوں گی ۔مقررہ وقت تک 54 گیندیں نہ کرائی گئیں تو آخری چھ گیندوں کیلئے ایک فیلڈر کم ہوگا۔ تماشائی"مسٹری فری ہٹ" کیلئے ووٹ کریں گے، اس گیند پر بیٹر کو آئوٹ نہیں کیا جاسکے گا۔