پی سی بی گورننگ بورڈ کا آج اجلاس

23 جون ، 2022

کراچی (اسٹاف رپورٹر) پاکستان کرکٹ بورڈ کے بورڈ آف گورنرز کا 69واں اجلاس جمعرات کی صبح قومی ہائی پرفارمنس سینٹر لاہور میں ہورہا ہے۔ اجلاس میں چیئرمین، چیف ایگزیکٹو ، چیف آپریٹنگ اور چیف فنانشنل آفیسرز کی رپورٹس پیش کی جائیں گی۔23-2022 کے لیے پی سی بی کا سالانہ بجٹ ، بی او جی کمیٹیز کی رپورٹس اور ان پر پیش رفت ، جونیئر کرکٹ میں عمر کی تصدیق کیلئےپالیسی کی منظوری ،کرکٹ اور کمرشل سمیت تمام ڈیپارٹمنٹس کی پیش رفت سے آگاہ کیا جائے گا۔ نئے سینٹرل کنٹریکٹ اور معاوضوں کی منظوری بھی لی جائے گی۔