فوج آئین کے دائرے میں حکومت وقت کیساتھ ہوتی ہے،حارث نواز

کراچی (ٹی وی رپورٹ)جیو کے پروگرام” آپس کی بات “کے میزبان منیب فاروق سے گفتگو کرتے ہوئے دفاعی تجزیہ کار، حارث نواز نے کہا کہ فوج آئین و قانون کے دائرے میں رہ کر حکومت وقت کے ساتھ ہوتی ہے، ن لیگ کی رہنما عظمیٰ بخاری نے کہا کہ عمران خان کا یہ رونا پٹنا جو ہے یہ تو جاری رہے گااس کو تو اب ختم نہیں ہونا،ان کا انقلاب اب گرمی میں سڑنے سے بچ گیا، رہنما پیپلز پارٹی، ناصر حسین شاہ نےکہا کہ ہم اس بات کے قصور وار ضرور ہیں کہ اس نا اہل وفاقی حکومت کو ہم نے ہٹایا،سینئر تجزیہ کار، اطہر کاظمی نے کہا کہ جہاں تک یہ تعلق ہے کہ عمران خان اداروں کو نشانہ بنا رہے ہیں چلیں عمران خان تو اپوزیشن میں چلے گئے وہ اداروں کو نشانہ بنا رہے ہیں۔اس سے پہلے ہم نے سنانواز شریف بھی تنقید کرتے رہے لیکن کیا عمران خان نے ویسی تنقید کی ۔ دفاعی تجزیہ کار، حارث نواز نے کہا کہ سیاسی قیادت کو یہ سمجھنا چاہئے کہ جو سیاسی چیزیں ہوتی ہیں انہیں سیاسی طور پر ہی حل کرنا چاہئے ۔ اس میں اسٹیبلشمنٹ کا ذکر کرنابا ربار کرنااور دیکھنا کہ اس کا کیا اثر ہوتا ہے ۔